Emocione dhe dramë në Conference League për skuadrat shqiptare. Dinamo ka siguruar kualifikimin në turin e tretë kualifikues të këtij kompeticioni, pasi eliminoi ekipin andorrian Atletic Escaldes. Pas fitores 2-1 në transfertë, ndeshja e kthimit në “Elbasan Arena” u mbyll me rezultatin 1-1.
Zabërgja zhbllokoi sfidën në minutën e 18-të, ndërsa Escaldes barazoi me Berlangën në fillimin e pjesës së dytë. Ndeshja mori një tjetër ritëm pas kartonit të kuq të Gassamës, që e la Dinamon me 10 lojtarë, por situata u barazua kur edhe Andrade u ndëshkua me të kuq 15 minuta nga fundi. Ekipi i drejtuar nga Ilir Daja arriti të ruajë rezultatin dhe të kalojë në fazën tjetër të turneut.
Ndërkohë, Vllaznia është në vështirësi të mëdha. Ndeshja kundër Vikingur ka kaluar në shtesë, me Shkodranët që janë duke humbur 3-2, ndonëse kishin fituar 2-1 takimin e parë dhe sfida tashmë ka shkuar në shtesë.
