Dinamo triumfon në derbin ndaj Partizanit, Teuta mund Skënderbeun

Dinamo fitoi minimalisht 1-0 derbin e kryeqytetit ndaj Partizanit, në një sfidë me fund dramatik. Skuadra e Ilir Dajës iu falë një goli të shënuar nga Zabërgja në minutën e 60-të, për të marrë fitoren.

Partizani kishte mundësinë e artë për të barazuar shifrat, por Domgjoni humbi penalltinë në minutën e 94-t. Gjuajtja e mbrojtësit u përplas në transversë.

Me këtë fitore, Dinamo mban vendin e dytë me 54 pikë, ndërsa Partizani renditet i katërti me 10 pikë më pak.

Në sfidën tjetër, Teuta mori një fitore ndaj Skënderbeut me rezultatin 1-0. Golin e vetëm për durrsakët e shënoi Toma në pjesën e parë.

Teuta ngjitet në vendin e shtatë me 33 pikë, ndërsa Skënderbeu renditet i fundit me 30 pikë.