Dita “fik” Kukësin, Skënderbeu triumfon ndaj verilindorëve (VIDEO)

Skënderbeu i jep një goditje të rëndë shpresave të Kukësit për titullin kampion gjatë këtij sezoni. Skuadra korçare ka fituar minimalisht 1-0 në duelin e vlefshëm për javën e 25-të.

Në minutën e 4-t, Bruno Dita ka gjetur rrugën e rrjetës. Pas një goditje të Pervan brenda zonës, topi u grushtua dhe shkoi në shtyllën e djathtë pingule dhe ka shkuar në këmbët e Ditës, i cili me portën e boshatisur e ka të thjeshtë për ta shtyrë sferën në rrjetë. Ky është goli i tretë në kampionat për Ditën gjatë këtij sezoni për skuadrën korçare.

Kukësi provoi me gjitha mënyrat për të gjetur golin e barazimit, por Ethemi dhe Shameti nuk arritën që të konkretizonin aksionet e tyre. 12 minuta nga fundi Abazi u ndëshkua me  karton të kuq pas një ndërhyrje të gabuar ndaj Maliqit, por skuadra korçare ruajti rezultatin deri në fund.

Me këtë fitore Skënderbeu ngjitet në vendin e katërt në kuotën e 37 pikëve, duke kaluar momentalisht Laçin me një pikë më shumë. /R.Lika-Koha Jone/