Borussian e Dortmundit i përgjigjet në mënyrën më të mirë Bayernit. Skuadra verdhezi mposhti thellë 3-0 Borussian e Moenchengladbachut falë finalizimit të adoleshentit Giovanni Reyna dhe dygolëshit të Erling Haaland.
Trajneri i Dortmundit, Lucien Favre, i besoi fanellën e titullarit dy 17-vjeçarëve, Jude Bellingham dhe Giovanni Reyna, që bashkëpunuan mes tyre në rastin e zhbllokimit të rezultatit në minutën e 35-të.
Verdhezinjtë nuk u mjaftuan me kaq, teksa me fillimin e pjesës së dytë talenti norvegjez Haaland realizoi 11-metërshin e fituar nga Reyna, ndërsa në të 77-ën vulosi fitore 3-0 të vendësve i asistuar nga Sancho.
