Duka: Hysaj qëndron dhe rinovon me Napolin këtë sezon!

Presidenti i Federatës Shqiptare të Futbollit, Armand Duka, ka zbuluar të ardhmen e kapitenit të Kombëtares, Elseid Hysaj. Në një prononcim për “Radio Goal” në Radio Kiss Kiss Napoli, Duka zbuloi se 26-vjeçari do të qëndroje të Napoli dhe do të rinovojë kontratën.

“Ne do të luajmë ndeshjen e parë të Ligës së Kombeve në 4 shtator. Hysaj? Unë mendoj se ai do të qëndrojë te Napoli. Është një lojtar i rëndësishëm që ka bërë mirë vitet e fundit dhe mund të bëjë edhe më mirë në sezonet e ardhshme. Unë mendoj se Hysaj përfundimisht do të rinovojë kontratën. Ai ka karakterin dhe vendosmërinë e duhur, ashtu si Gattuso”, u shpreh Duka.