Përballja mes Barcelonës dhe Real Madridit sjell një duel të veçantë mes Hansi Flick dhe José Mourinhos. Dy trajnerët kanë histori të ndryshme përballjesh me kundërshtarët, ndërsa sfida e ardhshme pritet të ketë rëndësi të veçantë në garën për titullin e La Ligës.
Trajneri i Barcelonës, Hansi Flick, përgatitet për një përballje të rëndësishme ndaj José Mourinhos në kuadër të El Clasicos, që do të zhvillohet të dielën e ardhshme në Spotify Camp Nou.
Dy trajnerët janë përballur vetëm një herë gjatë karrierës së tyre. Takimi daton nga sezoni 2019-2020, kur Flick drejtonte Bayern Munichun, ndërsa Mourinho ishte në stolin e Tottenhamit. Bavarezët fituan 3-1 në Allianz Arena, me golat e Kingsley Coman, Thomas Müller dhe Philippe Coutinho.
Flick vjen në këtë përballje me një bilanc pozitiv ndaj Real Madridit, me gjashtë fitore dhe vetëm një humbje në ndeshjet e zhvilluara kundër madrilenëve. Gjatë kësaj periudhe, Barcelona ka fituar trofe të rëndësishëm, përfshirë La Ligën, Kupën e Mbretit dhe Superkupën e Spanjës.
Nga ana tjetër, Mourinho ka një histori të gjatë përballjesh me Barcelonën. Gjatë periudhës së tij të parë te Real Madridi, nga viti 2010 deri në vitin 2013, portugezi regjistroi pesë fitore, gjashtë barazime dhe gjashtë humbje kundër katalanasve.
Një nga momentet më të paharrueshme të kësaj rivaliteti ishte fitorja 5-0 e Barcelonës në La Liga gjatë sezonit 2010-2011, si dhe përplasjet e forta në gjysmëfinalet e Champions League.