Dybala, flet e fejuara: Nuk është pozitiv, po presim testimet!

Oriana Sabatini, partnerja e Paulo Dybala-s foli në mikrofonat “Canale 9 Argjentina”, duke mohuar lajmet e qarkulluara në orët e fundit.

“Paulo duhet të bëjë testet e fundit dhe të shohë se cila është përgjigjja. Pa dyshim që nuk e dimë nga doli ky lajm, por ne nuk duam të komentojmë shumë.

Ashtu siç folëm për pozitivitetin tonë, me qetësi do të tregojmë edhe negativitetin ndaj Covid-19. Testi im doli negativ. Ne nuk jemi akoma 100% të sigurt, nuk duam të flasim. Edhe mediat duhet t’i publikojnë lajmet në kësi rastesh vetëm pasi të kenë informacion të sigurt. Jemi në pritje”, dekaroi Oriana.

Dybala për momentin është ende i izoluar në Torino, në shoqërinë e të fejuarës së tij, Oriana, një modele e njohur argjentinase.