Dybala flet nga karantina: Tani jam mirë, por kam pasur vështirësi në frymëmarrje!

Paulo Dybala doli pozitiv ndaj koronavirusit disa ditë më parë, ndërkohë që tashmë është në karantinë të detyruar së bashku me të dashurën e tij, Oriana Sabatini. Nga izolimi ai ka dhënë një intervistë për kanalin e klubit duke treguar vështirësitë e tij.

“Pas disa simptomave të forta disa ditë më parë, tani jam mirë. Mund të lëviz dhe të bëj pak stërvitje. Kur provoja të bëjë diçka, më merrej fryma pas 5 minutash dhe isha i lodhur. Muskujt i kisha të lodhur dhe duhet të ndalesha. Për fat të mirë, tani unë dhe Oriana jemi më mirë”, tregon argjentinasi nëpërmjet Skype.

Më tej pak shaka për koleksionin e fanellave që ka grumbulluar në shtëpinë e tij.

“Kam shumë fanella edhe me emra të çuditshëm, por të gjithë kanë historinë e tyre. E kam pasion që t’i mbledh. Tre më të veçantat janë: Ajo e Buffonit në 120-vjetorin e Juventusit, si dhe të Messit dhe Ronaldos, dy lojtarë të jashtëzakonshëm”. /R.Lika-Koha Jone/