Dybala: Isha pranë largimit në verë nga Juvja, ja përse qëndrova

Paulo Dybala në versionin 2019-2020, është një nga më të mirët që kemi parë me fanellën bardhezi, por në verë largimi i tij nga Torino ka qenë shumë pranë. Për fatin e Juventusit, “La Joya” u kthye shumë shpejt në një nga kolonat e skuadrës së Sarrit.

“Isha pranë largimit në verën e kaluar. E dija që isha në mendimet e klubit ndaj dhe prita deri në minutën e fundit. Tani jam këtu, dhe jam i lumtur, Ardhja e Sarrit më ka ndihmuar shumë për të qëndruar”, ka thënë Dybala për “The Guardian”.

Argjentinasi ka një kontratë deri në verën e vitit 2022, por rinovimi ende nuk është i qartë.

“Kam edhe dy vite kontratë, nuk janë shumë, por as pak. Do të shohim se çfarë planesh ka Juventusit, nëse duan që të më mbajnë apo jo. Vendimi është i tyre. Vështirë që ta them tani, gjërat ndryshojnë me shpejtësi”, deklaroi ylli i bardhezinjve. /R.Lika-Koha Jone/