Dybala-s i rikthehet buzëqeshja, merr lajmin e mirë nga familja e tij

Paulo Dybala ishte një prej futbollistëve të Juventusit, i infektuar nga koronavirusi, bashkë me të fejuarën e tij, por numri 10 i bardhezinjve ka marrë sot një lajm pozitiv.

Familjarët e tij në Argjentinë i janë nënshtruar testit dhe kanë rezultuar negativë, ndërsa vetë sulmuesi ka konfirmuar se ndihet i çliruar që të paktën ata nuk janë prekur nga Covid-19.

I pari që rezultoi pozitiv në klubin e Juventusit ishte mbrojtësi Daniele Rugani, ndërsa pas tij edhe sulmuesi Dybala, i cili pak ditë më parë deklaroi se në fillim kishte vështirësi në frymëmarrje.