E BUJSHME/ Cristiano Ronaldo ndërpret zyrtarisht kontratën me Manchester United

Cristiano Ronaldo nuk do të jetë më pjesë e Manchester United. “Djajtë e Kuq” kanë reaguar në faqen zyrtare ku bën me dije se portugezi nuk është më pjesë e tyre.

“Cristiano Ronaldo do të largohet nga Manchester United në mënyrë të menjëhershme, pasi palët kanë rënë dakord për këtë vendim. Klubi e falënderon atë për kontributin e tij të jashtëzakonshëm në dy periudha në Old Trafford, duke shënuar 145 gola në 346 paraqitje dhe i uron atij dhe familjes së tij vetëm të mira në të ardhmen.

Të gjithë në Manchester United mbeten të përqendruar në vazhdimin e përparimit të ekipit nën drejtimin e Erik ten Hag dhe të punojnë së bashku për sa më shumë suksese në fushë”, shkruan klubi i United.