E BUJSHME/ Napoli nuk niset për në Torino, në rrezik sfida me Juven
Sporti E Shtunë, 3 Tetor 2020 20:00
Napoli nuk niset për në Torino për ndeshjen e mbrëmjes së nesërme kundër Juventusit në “Allianz Stadium”. Super ndeshja e javës së 3-të është në rrezik serioz për të mos t’u luajtur.
Skuadra e të kaltërve është bllokuar nga Rajoni i Kampanjës për të mos të udhëtuar pas dy rasteve pozitive të Elmas dhe Zielinskit, si dhe të një pjesëtari të klubit.
Skuadra e Napolit nesër paradite do të bëjë tamponët fundit, ndërkohë që pas këtij vendimi rrezikojnë që ta humbasin ndeshjen në tavolinë 0-3, nëse nuk do të paraqiten në fushë, sigurisht nëse nuk do të ketë një vendim nga Lega. /R.Lika-Koha Jone/
