Shoku i ekipit të Gjimshitit del pozitiv ndaj koronavirusit
Sporti E Martë, 24 Mars 2020 20:31
Nuk kanë fund lajmet e trishta nga Italia. Pas rasteve në disa skuadra, së fundmi edhe te Atalanta ka dalë rasti i parë pozitiv ndaj Covid-19. Bëhet fjalë për portierin Marco Sportiello.
”Marco aktualisht është asimptomatik. Ai është nënshtruar karantinës për të mos ta përhapur, ndërkohë që në vetëizolim janë edhe futbollistët e tjerë, teksa periudha dy javor skadon më 27 mars”, shkruan klubi i bergamos.
Në skuadrën e Atalantës luan edhe mbrojtësi i kombëtares sonë, Berat Gjimshiti. /R.Lika-Koha Jone/
