E rëndë në Turqi, futbollisti mbyt me jastëk djalin e tij 5-vjeçar

Një ngjarje e rëndë ka ndodhur së fundmi në Turqi. Futbollisti 33-vjeçar Cevher Toktas ka mbytur me jastëk djalin e tij 5-vjeçar, ndërsa pas 11 ditësh hetime, ka pranuar krimin makabër para policisë së Bursës.

Futbollisti që ishte pjesë e Bursa Yildirim Spor, e kreu krimin e rëndë në një spital, ku fëmija e tij 5-vjeçar ishte i shtruar me simptoma të ngjashme me Covid-19 dhe pas vetëm 11 ditësh pranoi autorësinë.

“I vura djalit një jastëk në kokë dhe e mbajta fort derisa nuk po merrte më frymë. Më pas thirra mjekët, për të mos krijuar dyshime. Nuk kam asnjë problem mendor, por e vrava djalin tim, pasi nuk e doja”, tha Toktas.

Futbollisti me shumë gjasë pritet të dënohet me burgim të përjetshëm nga gjykatat turke, për vrasje me dashje.