Egnatia dhe Partizani kërkojnë nesër kualifikimin për në raundin e tretë të Conference League

Egnatia dhe Partizani do të luajnë të enjten e 1 gushtit duelet vendimtare të vlefshme për kualifikimin në raundin e tretë të UEFA Conference League.

Pas suksesit në ndeshjen e parë në transfertë ndaj Vikingur Reykjavik me rezultatin 1-0, kampionët e Shqipërisë do të kërkojnë një tjetër rezultat historik për të siguruar kualifikimin në raundin e tretë. Ndeshja Egnatia-Vikingur Reykjavik do të luhet në Shkodër, në stadiumin “Loro Boriçi”, në ora 20:00.

Në anën tjetër, nënkampionët e Shqipërisë u mposhtën në transfertë nga Iberia 1999 me rezultatin 2-0 dhe do të tentojnë përmbysjen për t’u kualifikuar në raundin tjetër. Takimi Partizani-Iberia 1999 do të luhet në Elbasan, në stadiumin “Elbasan Arena”, në ora 20:00.

Egnatia nëse do të arrijë të kualifikohet ndaj Vikingur Reykjavik, në raundin e tretë të UEFA Conference League do të përballet me fituesin e duelit Virtus A.C. 1964 (San Marino)-FC Flora Tallinn (Estoni). Ndërsa Partizani në rast kualifikimi do të ketë përballë në turin e tretë fituesin e sfidës Istanbul Başakşehir (Turqi)- La Fiorita 1967 (San Marino).