Ekipi i Beckham bën sërish merkato te Juve, synon sulmuesin argjentinas

Devid Beckham, presidenti i skuadrës amerikane të Inter Miami, synon të bëjë goditjen “big” të merkatos së verës. Skuadra amerikane synon të sjellë në MLS sulmuesin argjentinas të Juventusit, Gonzalo Higuain. Ky i fundit, tashmë 32 vjeç, duket se nuk është në planet e trajnerit Andrea Pirlo, që kërkon emra të rinj për sulmin.

Problem për skuadrën e Beckham është paga e lartë e lojtarit, 7.5 milionë euro në sezon. Ndaj, mësohet se kanë nisur negociatat me lojtarin për të siguruar transferimin e tij në Amerikë, duke pranuar një ulje rroge. Juventus ndërkohë është gati që ta lërë të lirë futbollistin, ashtu siç bëri me Matuidi.