Eksperti i drejtësisë sportive në Itali, Grassani: Hetimi më i rëndë se Calciopoli, Juventus rrezikon rënien në Seria B

“Mendoj se është hetimi më serioz që Juventusi ka kaluar në historinë e tij, madje më serioz se ai i Calciopoli”. Ky është mendimi i avokatit Mattia Grassani, ekspert i së drejtës sportive, në Radio Anch’io Sport në Rai Radio1.

“Hetimi përfshin një seri të paprecedentë parregullsish. Rastet, si krimet, ashtu dhe shkeljet e rregullave të bursave, shoqërive dhe ato sportive përfshijnë një sërë sjelljesh të paligjshme. E përsëris, janë të paprecedentë. Juventus është në rrezik të madh për më shumë se një gjobë ose penalitet, nëse do te konstatohen akuzat. Kur ka tjetërsim dokumentesh mund të ketë pasoja më të rënda. Në rast se regjistrohesh në kampionat, me tjetërsim dokumentesh mund të ndodhë zbritja në vendin e fundit, heqja e titullit kampion.

Besoj se duke qenë se drejtësia sportive ka nevojë për shpejtësi, procedura me siguri do të përfundojë deri në fund të sezonit. Sanksionet do të zbatohen menjëherë. Dorëheqjet masive të kujtojnë zgjedhjen e Juventusit në 2006. Janë një shenjë pozitive në një situatë shqetësuese. Por nuk mjafton për të zhbërë faktet, nëse provohen.

Edhe pse tregojnë shumë për vullnetin e shoqërisë për të izoluar problemin. Në nivelin penal, besoj se tashmë është shpallur një vendim mbi jo aktualitetin e kërkesës paraprake për Andrea Agnelli. Sepse janë krime koorporative që nuk mund të përsëriten më me dorëheqjen.

Ajo që po del, nëse konstatohet, siç u përmend, mund të çojë në një dënim të rëndë. Neni 31 paragrafi 2 i kodit të drejtësisë sportive, për shkelje në çështjet ekonomiko-financiare dhe menaxheriale, përcakton qartë. Nëse ka tjetërsime të dokumenteve, pra akte private që shtyjnë pagesën e pagave, kjo seri hipotezash shkeljesh disiplinore mund të çojë në pasoja më të mëdha se penaliteti. Norma parashikon që, në rast regjistrimi në kampionat, përmes tjetërsimit të dokumenteve, mund të çojë deri te përjashtimi nga kampionati. Natyrisht zbritja në vendin e fundit dhe humbja e titullit të kampion të Italisë”, deklaroi Grassiani.