Eriksen rrëfen karantinën e tij: Mendova të flija në divanin e Lukakut ose Young!

Karantina ishte e vështirë për Christian Eriksen, futbollistin danez të Interit, që mbërriti në Itali pak para se vendi të përballej me pandeminë e Covid-19. Mesfushori u detyrua të qëndronte në karantinë larg familjes.

“Nuk dija ku të shkoja e në një moment mendova të flija për 14 ditë në divanin e Lukaku ose Young, shokët e mi të skuadrës. Por ata kanë familje, ndaj ndryshova mendim. U akomodova në strukturat e klubit, bashkë me pesë anëtarë të stafit e një kuzhinier që, ashtu si unë, preferuan të izolohen kështu”.

Ishte e sikletshme, sepse unë nuk flas akoma mirë italisht e nuk dija çfarë mund të bëhej e çfarë jo. Mendova se mund të bëja një shëtitje, por jo. Me gjithë kohën e lirë që kishim, nuk mund të bënim asgjë”, ka rrëfyer Eriksen.