Erkand Qerimaj pranë medaljes në “Taranto 2026”, vendos pesë rekorde kombëtare

Erkand Qerimaj ka mbyllur me një paraqitje të spikatur garimin në Lojërat Mesdhetare “Taranto 2026”. Peshëngritësi shqiptar e përfundoi konkurrimin në vendin e katërt në dygarësh, duke mbetur vetëm një hap larg podiumit, por duke vendosur plot pesë rekorde të reja kombëtare.

Në kategorinë e re të peshës 85 kg, më e lartë se kategoritë në të cilat ka garuar më parë, Qerimaj luftoi deri në provën e fundit për një vend në zonën e medaljeve.

Shkodrani regjistroi këto rezultate:

Shkëputje: 151 kg – rekord kombëtar

Shtytje: 181 kg – rekord kombëtar

Dygarësh: 332 kg – rekord kombëtar

Shtytje, prova e dytë: 187 kg – rekord kombëtar

Dygarësh, rezultati përfundimtar: 338 kg – rekord kombëtar

Edhe pse medalja i shpëtoi në “Taranto 2026”, Qerimaj konfirmoi edhe një herë nivelin e tij, duke lënë pas një tjetër kapitull të rëndësishëm në karrierën e tij të gjatë.

Lojërat Mesdhetare kanë një rëndësi të veçantë për peshëngritësin shqiptar. Në Pescara 2009, ai fitoi një medalje ari dhe një argjendi, ndërsa në Algjeri siguroi një tjetër medalje argjendi.