Ernest Muçi nuk di të ndalet, gol dhe asist në Superligën turke (VIDEO)

Sporti E Shtunë, 7 Shkurt 2026 20:23

Ernest Muçi po vazhdon të tregojë formë fantastike te Trabzonspor në Turqi. Pas paraqitjeve të mira në Kupë, sulmuesi shqiptar gjeti rrugën e rrjetës edhe në kampionat, duke ndihmuar skuadrën e tij të marrë një fitore të thellë 3-0 në transfertë ndaj Samsunspor.

Muçi shënoi golin e tretë në minutën e 90-të nga pika e bardhë, duke vulosur rezultatin për “Giresunlët”. Përveç golit, 24-vjeçari kontribuoi edhe te goli i parë të ekipit, kur asistoi Onuachu-n në minutën e 23-të.

Ky është goli i 12-të i Muçit në sezonin aktual, duke përfshirë kampionatin dhe Kupën, dhe vazhdon të bëjë diferencën te Trabzonspor. Klubi turk ka të drejtën e blerjes së kartonit të tij nga Besiktas, dhe performancat e tij po rrisin interesin për ta bërë këtë transferim të përhershëm.