Është “makinë golash”, por Ronaldo ka një rekord negativ te Juvja

Cristiano Ronaldo është një makinë golash te skuadra e Juventusit, duke qenë thuajse çdo javë protagonist për të ndihmuar ekipin bardhezi. Deri më tani ai ka realizuar 91 gola në 118 ndeshje, që nga transferimi nga Real Madridi, duke fituar dy Seria A.

Gjithsesi ai mban edhe një rekord negativ, ai i shënimit të vetëm një goli nga goditjet e dënimit nga 65 tentativa. Të vetmin gol e ka shënuar në derbin kundër Torinos në qershor 2020, gjatë ndeshjes së 81-të me fanellën bardhezi. 64 shanset e tjera i ka shpërdoruar.

Goditjet e lira në fakt kanë qenë një specialistet i tij, pasi në karrierën e tij numëron 64 gola. Juventus ka fituar vetëm një nga 5 ndeshjet e fundit, teksa aspekti i goditjeve të lira nuk e ka ndihmuar thuajse asnjëherë. /R.Lika-Koha Jone/