Fati është me Arsenalin, merr fitoren e dytë ndaj West Ham (VIDEO)

Arsenali vuan shumë për të marrë tri pikët e radhës në derbin londinez ndaj West Ham. Topçinjtë fituan me vështirësi 2-1, duke u ngjitur në kuotën e 6 pikëve pas 2 ndeshjeve.

Ekipi i Artetës dha idenë se ndeshja do të ishte shumë e thjeshtë kur në minutën e 25-të, i zakonshmi Laccazette dërgoi në rrjetë një pasim të Aubameyang.

Në fundin e pjesës së parë, West Ham do të barazonte me Antonio pas një përgjumje të mbrojtjes së Arsenalit. Sfida u bë shumë e komplikuar për topçinjtë që rrezikuan të kalonin në disavantazh në disa raste.

4 minuta nga fundi Nketiah e pati të thjeshtë ta shoqëronte sferën në rrjetë pas një pasimi të Ceballos, duke i dhënë 3 pikë me shumë vlerë Arsenalit. /R.Lika-Koha Jone/