Fati i buzëqesh Maradonës, fiton mijëra euro nga gjyqi me “D&G”

Mbushen xhepat e Diego Armando Maradonës. Legjenda e futbollit ka fituar një çështje ligjore të hapur kundër kompanisë së njohur Dolce&Gabbana për përdorim abuziv të emrit dhe imazhit.

Kompania e famshme e modës është dënuar për shkak të përdorimit të një fanele të Napolit me emrin e Maradonës.

Gjykata e Milanos sanksionoi gjithçka në favor të Diego Armando Maradonës për shkak se firma e veshjeve luksoze ka përfituar nga ndikimi dhe historia e ish-futbollistit.

Stilistët e njohur do të paguajnë kështu Maradonën me 100 mijë euro.

Padyshim jë shifër e papërfillshme si për Dolce e Gabbana ashtu edhe për Maradonën, por që legjenda nuk e njeh humbjen, si në fushë, ashtu edhe jashtë saj.