Felipe Melo: Juventusi që përmbysi Atletico Madridin kishte Ronaldon, sot jo

Sporti E Martë, 24 Shkurt 2026 15:29

Ziraat Turkish cup semi final first match between Galatasaray and Sivasspor at Turk Telekom Arena in Istanbul on April 30, 2015. Final Score: Galatasaray 4 - Sivasspor 1 Pictured: Felipe Melo of Galatasaray. PUBLICATIONxNOTxINxTUR Ziraat Turkish Cup Semi Final First Match between Galatasaray and Sivasspor AT Turkcell Telekom Arena in Istanbul ON April 30 2015 Final Score Galatasaray 4 Sivasspor 1 Pictured Felipe Melo of Galatasaray PUBLICATIONxNOTxINxTUR

Ish-mesfushori brazilian Felipe Melo ka komentuar përballjen mes Juventus dhe Galatasaray, në prag të ndeshjes së kthimit të “play-off”-it të Champions League, duke folur për lidhjen e tij të fortë me klubin turk dhe për ndryshimet që ka pësuar Juventusi ndër vite.

Braziliani theksoi se sekreti i Galatasarayt qëndron te fryma familjare brenda klubit, duke shtuar se është e vështirë të mos krijosh lidhje emocionale me skuadrën dhe tifozët.

“Sekreti i Galatasaray? Atje janë si një familje. Është e pamundur të mos dashurohesh me atë klub. Kur isha te Juventusi, transferimi im te PSG ishte pothuajse i kryer, por pasi pashë tifozët turq në një miqësore në Austri, u dashurova menjëherë”, u shpreh Melo.

Sa i përket ndeshjes në Torino, Melo u shpreh se përballjet me Juventusin në transfertë janë gjithmonë të vështira, por shtoi se ekziston një diferencë e madhe mes skuadrës aktuale dhe asaj që dikur arriti përmbysjen ndaj Atlético Madrid.

“Të luash ndaj Juventusit jashtë fushe është gjithmonë e vështirë, por ka një ndryshim të madh mes skuadrës që përmbysi Atlético Madridin dhe asaj të sotmes; atëherë ishte Cristiano Ronaldo. Juventusi me dhe pa Ronaldon është krejt tjetër”.