Fellaini fiton betejën me koronavirusin, del nga spitali në Kinë

Marouane Fellaini është shëruar nga koronavirusi, pasi ishte infektuar në datën 22 mars duke rezultuar pozitiv pas testit të bërë me tampon. Ditën e sotme mesfushori belg ka braktisur spitalin.

Ish-lojtari i Manchester United është i pari dhe i vetmi futbollist i China Super League që u prek nga epidemia. Tashmë do të duhet të qëndrojë 14 ditë në karantinë, ashtu si parashikohet nga protokolli kinez, përpara se të rinisë stërvitjen.

Fellaini u transferua nga United shkurtin e vitit të kaluar, ndërkohë që në vitin e parë ka arritur që të shënojë 12 gola në 34 ndeshje.