Figo: Nëse Ronaldo do të kalonte te City, do kishte probleme me tifozët!

Cristiano Ronaldo ishte shumë pranë një transferimi te Manchester City gjatë kësaj vere, por në fund zgjodhi që të ribashkohej me Manchester United. Një zgjedhje e zgjuar që është komentuar edhe nga Luis Figo. Ish-mesfushori ka eksperiencë të hidhur me transferimin te rivalët e Barcelonës, Real Madridin, duke patur urrejtjen e tifozëve blaugrana që e kërcënuan edhe me jetë.

“Personalisht mendoj se Manchester Unted ishte zgjedhja më e mirë për Cristianon, pasi është një vend që e njeh. Ai ka bërë historinë me këtë klub, fansat e duan dhe mendoj se është zgjedhja më e mirë për karrierën e tij.

Nëse do të shkonte në një ekip më kompetitivë, mendoj se do të kishte probleme me përqendrimin dhe me tifozët. Kjo ishte zgjedhja më e mirë për të pasur më pak probleme dhe për të shkruar historinë me United”, deklaroi Figo.

Ronaldo në fakt e ka nisur mjaft mirë aventurën me Djajtë e Kuq, duke shënuar 4 gola në 3 ndeshjet e para. /R.Lika-Koha Jone/

Luis Figo on @Cristiano's return to #MUFC 🔴

🎥 @FaniStipkovic pic.twitter.com/LI7UHjAbIY

— GiveMeSport (@GiveMeSport) September 22, 2021