Fiorentina fundos Napolin e Gattusos me dy super gola (VIDEO)

Nuk ka fund kriza te Napoli gjatë këtij sezoni. Skuadra e Gattusos ka pësuar humbjen e radhës në kampionat, teksa mbrëmjn e sotme është mundur 2-0 në “San Paolo” nga Fiorentina.

Vjollcët do të merrnin 3 pikët falë dy golave shumë të bukur. Fillimisht ishte Chiesa që do të zhbllokonte ndeshjen në minutën e 25-të,me një aksion shumë të bukur.

Në pjesën e dytë, Dusan Vlahovic vulosi fitoren e skuadrës së Iachinit me një gol fantastik me të majtën në hyrje të zonës. Hysaj ishte në fushë gjatë gjithë ndeshjes, ndërkohë që për pjesën më të madhe luajti në krahun e majtë.

Kjo humbje është dramatike për Napolin që barazohet me pike me Fiorentinën e vendit të 13 dhe është 10 pikë larg nga zona e ftohtë e rënies. Javën e ardhshme do të sfidojnë Juventusin, po në “San Paolo”. /R.Lika-Koha Jone/