Fiorentina vijon startin katastrofik në Serinë A, duke pësuar humbjen e tretë radhazi në po kaq javë kampionat. Skuadra vjollcë u mposht 2-1 nga Torino në një ndeshje që e kishte nisur në avantazh.
Pas një pjese të parë pa gola, Fiorentina kaloi në epërsi vetëm dy minuta pas rifillimit të lojës. Pellegrino realizoi në minutën e 47-të, duke i dhënë skuadrës vendase avantazhin dhe shpresën për të marrë pikët e para të sezonit.
Torino reagoi në pjesën e dytë dhe gjeti barazimin në minutën e 73-të. Mandragora ishte autori i golit, duke ndëshkuar ish-skuadrën e tij dhe duke rikthyer ekuilibrin në sfidë.
Por miqtë nuk u mjaftuan me barazimin. Në minutën e 82-të, Adams përmbysi rezultatin, duke i dhënë Torinos fitoren 2-1 dhe tri pikët e para të sezonit.
Humbja e lë Fiorentinën në fundin e tabelës, me zero pikë pas tri javëve të para, një start që e vendos menjëherë skuadrën nga Firence përballë një situate të vështirë. Torino, ndërkohë, ngjitet në kuotën e tri pikëve dhe mban vendin e 14-të në renditjen e Serisë A.