Fituese e “Këpucës së Artë” për femra është Megi Doçi

Në skenë ngjitet Ervin Skela, i cili do të nderojë me trofeun e “Këpucës së Artë” golashënuesen më të mirë për femra dhe që këtë vit e merr Megi Doçi. Në mbrëmjen e cila zhvillohet në Teatrin e Operas dhe Baletit, do të shpërndahen çmime të ndryshme duke nisur nga talentet për djem e vajza, golashënuesit më të mirë, trajneri i vitit, arbitri i vitit, 11-shja më e mirë e kampionatit si edhe fituesit e kategorisë “Topi i Artë” për djem e vajza. Gjithashtu do jepen dy trofe për futbollistët e Kombëtares shqiptare, “Zemra Kuqezi” dhe “Lojtari i vitit i Kombëtares”.