Flamurtari përgatitet për stërvitjet, dezinfektohet stadiumi i Vlorës

Flamurtari ka dezinfektuar këtë të diel ambientet e stadiumit të tij për të qenë gati për rifillimin e stërvitjes që gjithçka të jetë brenda rregullave të parashikuara nga protokolli i sigurisë, pas miratimit që dha ministria e shëndetësisë për nisjen e stërvitjes kolektive në ambiente të hapura.

Gjatë kësaj të diele janë dezinfektuar të gjitha ambientet e stadiumit “Flamurtari” të Vlorës duke nisur nga zyra e presidentit, ambientet e zyrtarë të klubit, dhomat e zhveshjes, koridoret, por njëkohësisht dhe dushet e impiantit.

Dezinfektimi i stadiumit është një prej kushteve që duhet të ndërmarrë çdo klub i Superiores përpara rifillimit të sezonit futbollistik në vend që është parashikuar të startojë më datë 3 qershor.

Dezinfektimi i stadiumit të Vlorës vjen menjëherë pas kryerjes së të njëjtës procedurë dhe nga ekipi i Tiranës, rreth 24 orë më parë të njëjtin protokoll sigurie e zbatoi si në stadiumin “Selman Stërmasi” gjithashtu dhe në kompleksin stërvitor “Skënder Halili”.