Fonseca: Ndaj Parmës do të luajë Okafor, blerjet e reja duan kohë të adaptohen me lojën

Trajneri i Milan-it, Fonseca, ka folur në konferencë për shtyp në prag të ndeshjes së kampionatit që kuqezinjtë do të luajnë nesër kundër Parma-s në “Tardini”. Me mungesën e Morata-s për shkak dëmtimi, trajneri ka zbuluar se kush do ta zëvendësojë.

“Kundër Parma-s do të luajë Okafor, mendoj se do të jetë një ndeshje ndryshe. Duam të bëjmë presing të lartë ndryshe nga sa kemi bërë kundër Torino-s; dhe Okafor ka dhënë përgjigje të mira gjatë javës në lidhje me këtë. Jovic do të jetë i dobishëm në vazhdim të ndeshjes.

Prurjet e reja? Pavlovic nga minuta e parë është një mundësi. Fofana dhe Emerson kanë ardhur më mbrapa, për më tepër duhet akoma të kuptojnë lojën tonë dhe kanë nevojë për pak më shumë kohë”, tha Fonseca.