Frakturë në kafkë, dëmtim i rëndë për sulmuesin e Wolves (VIDEO)

Raul Jimenez, sulmuesi meksikan i Wolverhampton, pësoi një dëmtim të rëndë në ndeshjen e së dielës ndaj Arsenal-it. Futbollisti u përplas kokë më kokë me David Luiz, duke pësuar frakturë në kafkë.

Wolverhampton njoftoi se 29-vjeçari i është nënshtruar një ndërhyrje kirurgjikale gjatë natës. Klubi i Premier League falënderoi mjekët që kryen ndërhyrjen, ndërsa theksoi se lojtari tashmë ka nevojë për qetësi, ndërsa në ditët në vijim do të jepen detaje të reja mbi gjendjen e tij shëndetësore.

Në momentin e përplasjes, lojtari humbi ndjenjat, ndërsa ndeshja u ndërpre për rreth 10 minuta dhe fushën e pushtoi paniku.

legit concerned for Raul Jimenez, the sound of the clash is awful https://t.co/lcv3xVx8EU

— Chüy (@itschuyyyyy) November 29, 2020