Frankfurti i shkakton humbjen e tretë në Bundesligë Bayernit (VIDEO)

Frankfurti i shkakton humbjen e tretë sezonale Bayerni duke e bërë edhe më interesant Bundesligën. Skuadra e Hutter fitoi 2-1 në shtëpi, një ndeshje të cilin e dominoi në 45 minutat e para.

Kamada zhbllokoi sfidën në minutën e 12-të, pasi mori një top nga krahu i majtë. Në minutën e 31-të, Amin Younes shënoi një eurogol me një goditje spektakolare që përfundoi në trekëndëshin e Neuer.

Bayerni rikthehet në lojë në fillimin e pjesës së dytë. Sane dhuron spektakël brenda zonës dhe më pas shërben për rekordmenin Lewandowski që e ka lojë fëmijësh dërgimin e topit në rrjetë.

Ekipi i Flick tentoi me të gjitha mënyrat që të dilte të paktën me 1 pikë, por nuk do të arrinte. Bayerni mbetet në vendin e parë, me 5 pikë më shumë se Leipzig që ka shansin që të afrohet nëse fiton ndaj Hertha Berlin. /R.Lika-Koha Jone/