FSHF mbledhje me Ministrinë e Shëndetësisë, ja data kur mund të rinisë Superliga

Pas vendimit për hapjen e stërvitjeve individuale për sportistët në ambientet e hapura që nga 18 maji, një përfaqësi e Komitetit Teknik të Ekspertëve të Ministrisë së Shëndetësisë po zhvillon në këto momente një takim me përfaqësues të Federatës Shqiptare të Futbollit për protokollet specifike.

Prej orës 10:30 siç ishte planifikuar, grupi i punës së FSHF-së ku bëjnë pjesë edhe 3 mjekë janë paraqitur te Ministria e Shëndetësisë. Tashmë pritet të shihet se çdo të vendoset, ndërsa në FSHF janë të gjithë optimistë për rinisjen e futbollit. Sektori i Garave ka  si objektiv datën 31 maj ditën që do të rinisë aktiviteti futbollistik në vendin tonë.