Pas përfundimit të merkatos së verës, vëmendja rikthehet te futbolli i luajtur. Fundjava europiane sjell disa përballje spektakolare, ku spikat derbi i Londrës mes Arsenalit dhe Chelsea-t. Në qendër të vëmendjes pritet të jenë Kai Havertz dhe João Pedro.
Por kjo nuk është e vetmja sfidë e madhe. Në Angli do të luhet edhe Nottingham-Tottenham, ndërsa në Spanjë spikat Betis-Real Madrid. Në Gjermani, Hoffenheim pret Dortmundin, ndërsa në Francë PSG përballet me Monacon. Në Holandë do të luhet Ajax-PSV, ndërsa në Turqi vëmendja shkon te derbi Fenerbahçe-Beşiktaş.
Angli, Premier League rikthehet me derbin e madh
Premier League ka zhvilluar një merkato të jashtëzakonshme, me shpenzime që kanë kaluar shifrën e 4 miliardë eurove. Plot gjashtë transferime kanë kapërcyer 100 milionë eurot, duke konfirmuar edhe një herë fuqinë financiare të kampionatit anglez.
Pas dy javësh, Manchester City, Arsenal dhe Chelsea janë me pikë të plota, së bashku me surprizën Hull City. Sfida kryesore e javës është Arsenal-Chelsea, një duel që do të tregojë shumë për forcën e dy skuadrave. Arsenali kërkon të mbrojë titullin, ndërsa Chelsea synon të rrëzojë kampionët nga froni.
Manchester City do të ketë një kundërshtar më të lehtë në letër, pasi pret në shtëpi Coventryn, ndërsa Hull City, surpriza e kampionatit, do të përballet me Aston Villan.
Në vështirësi është Tottenham i Roberto De Zerbit. Pavarësisht një merkatoje të pasur, skuadra londineze ka humbur dy ndeshjet e para dhe tani duhet të përballet me një transfertë të komplikuar ndaj Nottinghamit.
Liverpooli i drejtuar nga Andoni Iraola ka nisur gjithashtu me vetëm dy barazime dhe kërkon fitoren e parë në transfertën ndaj Ipsëichit.
Ndeshjet kryesore:
Sot, 21:00: Ipsëich-Liverpool
Nesër, 13:30: Neëcastle-Bournemouth
16:00: Brighton-Leeds, Manchester City-Coventry, Nottingham-Tottenham
18:30: Hull City-Aston Villa
E diel, 15:00: Everton-Manchester United
17:30: Arsenal-Chelsea
Spanjë, Real Madrid dhe Barcelona në ndjekje të njëra-tjetrës
Në La Liga, pjesa më e madhe e investimeve është bërë nga tre gjigantët, Real Madrid, Barcelona dhe Atletico Madrid. Pas dy javësh, dy skuadrat e mëdha të futbollit spanjoll kanë nisur të krijojnë diferencën.
Real Madridi i Jose Mourinhos ka shënuar 12 gola dhe po merr shumë nga Kylian Mbappe, ndërsa golashënuesi më i mirë deri tani është Raphinha, me pesë gola për Barcelonën e Hansi Flick.
Reali do të ketë një transfertë të vështirë ndaj Betisit, përpara përballjes me Interin, ndërsa Barcelona pret Valencian në një sfidë ku synon të vazhdojë serinë e golave.
Atletico Madrid i Diego Simeones do të luajë në Bilbao ndaj Athletic Club, një transfertë që pritet të jetë shumë më e komplikuar.
Ndeshjet kryesore:
Sot, 21:00: Betis-Real Madrid
Nesër, 16:15: Athletic-Atletico Madrid
E diel, 16:15: Valencia-Barcelona
21:00: Espanyol-Sevilla
Bundesliga, Bayern kërkon të konfirmojë dominimin
Në Gjermani, Bundesliga vazhdon të mbetet një nga kampionatet më të qëndrueshme financiarisht, ndërsa Bayern Munich është në krye së bashku me Leipzigun dhe Dortmundin.
Megjithatë, bavarezët shihen sërish si favoritët absolutë, falë një grupi të udhëhequr nga Harry Kane, Michael Olise dhe Jamal Musiala. Në këtë javë, Bayern do të luajë në transfertën e Schalke, skuadër e sapongjitur në elitë.
Leipzigu do të udhëtojë në Bremen, ndërsa Dortmundi ka një test më të vështirë në fushën e Hoffenheimit.
Ndeshjet kryesore:
Sot, 20:30: Stuttgart-Köln
Nesër, 15:30: Hoffenheim-Dortmund, Leverkusen-Union Berlin, Ëerder Bremen-Leipzig
18:30: Schalke-Bayern Munich
E diel, 17:30: Frankfurt-Augsburg
Ligue 1, PSG kërkon fitoren e parë të madhe
Në Francë, merkatoja ka qenë më e përmbajtur për shkak të problemeve financiare të disa klubeve. Edhe PSG-ja ka vepruar me më shumë kujdes, duke shpenzuar rreth 150 milionë euro, ndërsa ka arkëtuar rreth 330 milionë nga shitjet.
Kampionët e Francës kanë nisur sezonin me dy barazime dhe tani përballen me testin më të rëndësishëm: PSG-Monaco. Monaco vjen në Paris si kryesuese e kampionatit dhe synon të surprizojë skuadrën e Luis Enrique.
Në ndeshjet e tjera, Lyon pret Auxerren, ndërsa Marseille do të përballet në shtëpi me Paris FC. Lille, nën drejtimin e Davide Ancelottit, e ka nisur pozitivisht javën duke mposhtur Toulouse në transfertë.
Ndeshjet kryesore:
Sot, 19:00: Lyon-Auxerre
21:05: PSG-Monaco
Nesër, 17:15: Lens-Lorient
20:45: Nice-Le Mans
E diel, 20:45: Marseille-Paris FC