Futboll/ Blerjet më të goditura të dekadës së fundit, ja lista sipas ‘Goal.com’

Sporti E Mërkurë, 1 Janar 2020 18:46

Sajti i specializuar i futbollit, “Goal.com”, duke iu referuar shifrave, ka listuar emrat e e 15 futbollistëve që konsiderohen transferimet më të rëndësishme të dekadës së fundit. Janë marrë parasysh disa kritere, si performanca, suksesi dhe vlera e shitjes. Ato janë, sipas destinacionit të ndjekur dhe shuma e paguar nga klubi blerës.

Ka qenë një dekadë e ngjeshur në merkaton e transferimeve dhe një numër blerjesh të suksesshme mungojnë në këtë listë përfundimtare. Virgil van Dijk ishte i pafat për të mos u bashkuar me shokët e tij të skuadrës së Liverpool-it (Alisson, Salah dhe Mane në “top 15”), pasi e ka transformuar plotësisht mbrojtjen e “Reds” që nga ardhja e tij nga Southampton për 75 milionë stërlina. Edhe kalimi i Luis Suarezit te Barcelona ka qenë një marrëveshje e suksesshme. Për sa iu përket blerjeve të volitshme, Dusan Tadiç tek Ajaxi dhe Serge Gnabry te Bayern Munich, të dy meritojnë një përmendje të veçantë.