Futbolli gjerman në zi, ndahet nga jeta Andreas Brehme

Futbolli gjerman është në zi teksa gjatë natës është ndarë nga jeta ish-futbollisti, Andreas Brehme. Heroi i Gjermanisë Perëndimore në Kupën e Botës së vitit 1990, u nda nga jeta në moshën 63-vjeçare si pasojë e një arresti kardiak.

Mediat gjermane zbulojnë se Brehme u dërgua në spital, por, nuk mundi t’i mbijetonte sulmit në zemër. Kujtojmë se kjo humbje e madhe për futbollin gjerman vjen një muaj pas ndarjes nga jeta edhe të legjendës, Franz Beckenbauer, i cili ishte mentori i Brehme.

Brehme, shënoi golin vendimtar për Gjermaninë në finalen e Kupës së Botës në Romë përballë Argjentinës teksa realizoi në minutën e 85 nga penalltia.