Gabimet e kuqezinjve në ndeshjen me Zvicrën

Shqipëria ka debutuar me një humbje të hidhur në Europian. Kuqezinjtë kanë humbur 1-0, por vendimtare kanë qenë disa gabime fatale.

E para ishte gafa e Etrit Berishës, që doli gabim dhe Shqipëria pësoi gol që në minutën e ‘5-të.

Si të mos mjaftonte kjo, Lorik Cana del me karton të kuq pa përfunduar pjesa e parë, ndërsa Armando Sadiku humbet një rast të artë përballë portierit zvicerian.

Pjesën e dytë, edhe pse me një lojtar më pak, Shqipëria luan më mirë dhe qendron në lojë deri në fund, falë edhe disa pritjeve të Etrit Berishës, që shlyen kështu disi gabimin e tij.

Por, gafa më e madhe ndodh në fund.

Shkëlzen Gashi merr një top të artë nga Abrashi dhe ballë për ballë me portierin zvicerian, nuk arrin dot të shënojë.

Keqardhja është padyshim e madhe, pasi realisht ndeshja është vendosur falë gafave të pafalsshme të lojtarëve tanë, si në mbrojtje, ashtu edhe në sulm.

Në fund, si gjithmonë na mbetet të themi: Humbëm me dinjitet. TEMA