Gabriel ndërhyn rëndë ndaj portierit Martinez, arbitri nuk e ndëshkon (VIDEO)

Sporti E Diel, 6 Shtator 2026 19:09

Një episod i diskutueshëm ka ndezur debat të madh në rrjetet sociale, pasi Gabriel u përplas me Emiliano Martínez dhe përfundoi duke e goditur portierin në fytyrë me këmbë.

Ngjarja ndodhi gjatë aksionit mes mbrojtësit të Arsenalit dhe portierit, ku kontakti ishte i fortë dhe Martínez mbeti për disa çaste i shtrirë në fushë.

Pamjet e incidentit u shpërndanë me shpejtësi në rrjetet sociale, duke shkaktuar reagime të shumta nga tifozët. Shumë prej tyre vunë në pikëpyetje vendimin e arbitrit, pasi Gabriel nuk u ndëshkua për ndërhyrjen.

Në pamjet e publikuara shihet momenti kur këmba e mbrojtësit brazilian përfundon në fytyrën e Martínezit, ndërsa portieri mbetet i shtrirë pas kontaktit.

Vendimi për të mos dhënë ndëshkim ka shkaktuar debate të shumta mes tifozëve, me shumë prej tyre që ironizojnë faktin se Gabriel “shpëtoi pa u ndëshkuar”.