Gafa qesharake e Zaniolos, gëzohet për listën e “Golden Boy” por … është e vitit të kaluar

Nicolo Zaniolo ka bërë një gafë të madhe në rrjetet sociale. Futbollisti i Romës është jashtë fushave prej disa muajsh, u shfaq i lumtur që ishte mes kandidatëve për çmimin Golden Boy 2020, që u jepet lojtarëve të rinj më të mirë në botë.

Krenar për vlerësimin, Zaniolo e ka publikuar në rrjetet sociale, por dikush i ka vënë në dukje një detaj shumë të rëndësishëm: lista që ka postuar në Instagram ka qenë ajo e vitit të kaluar, në të cilën ka qenë i përfshirë edhe ai.

Pasi ka diskutuar me disa përdorues të Instagramit dhe e ka kuptuar gabimin, Zaniolo e ka hequr postimin.