Galliani: Shumë klube rrezikojnë të falimentojnë nëse nuk rifillon futbolli

Ish-zëvendëspresidenti i Milanit, Adriano Galilani, ka paralajmëruar se futbollit duhet të vazhdojë pavarësisht pandemisë koronavirus, për shkak se shumë klube rrezikojnë të falimentojnë.

Qeveria italiane po bisedon për t’i lehtësuar masat e karantinës në Itali nga 4 maji, përfshirë për lejimin e lojtarëve për t’u kthyer në stërvitje por duke bërë teste për Covid-19 në baza ditore.

“Vetëm virusi mund ta vendosë kohën. Është shumë e vështirë, sepse ne duhet patjetër të kthehemi një ditë në stërvitje dhe do të na duhen edhe katër javë të tjera për t’u përgatitur për të luajtur, prandaj nuk e di se kur mund të rifillojë liga.

Ajo çfarë mund të them është se borxhet që disa klube i kanë dhe humbja e të hyrave do të shkaktojë gjendje dramatike. Disa klube italiane rrezikojnë të falimentojnë. Askush nuk është në gjendje t’i mbijetojë një pezullimi afatgjatë të futbollit”, deklaroi Galliani për “Telelombardia”.