Gasperini sfidon Realin: Skuadër e madhe, por ne kemi entuziazëm!

Atalanta është një nga skuadrat më në formë në Seria A, teksa në fundjavë shkatërroi 4-2 Napolin. Ekipi ku aktivizohet edhe Berat Gjimshiti të mërkurën në mbrëmje do të sfidojë në sfidën e parë të 1/8-ve Real Madridin. Trajneri Gasperini në konferencën për shtyp ka evidentuar se ekipi i tij do të kërkojë që të shkojë në sfidën e kthimit në Madrid, me një rezultat që e mban në lojë për kualifikim.

“Për Atalantën është një krenari që të përballet me një ekip të një niveli të tillë, një event. Janë ekipi më i titullar në botë. Duam të mendojmë për ndeshjen që të bëjmë një figurë sa më të mirë.

Ata janë mësuar që të luajnë në këtë kompeticion dhe të fitojnë. Ne do të tentojmë që të hedhim në fushë futbollistët më të mirë dhe të shfrytëzojmë entuziazmin. Në vitet e fundit jemi përballur me ekipe të mëdha, Reali të jep një stimul më shumë. E dimë që kualifikimi do të luhet në Spanjë. Të mërkurën është gjysma e parë e ndeshjes me Realin, në të kthimit duhet bërë rezultatin e duhur”, deklaroi Gasperini. /R.Lika-Koha Jone/