Juventusi dhe Milani kanë dhuruar një përballje të luftuar në “Allianz Stadium”, që përfundoi me rezultatin 1-1. Të dyja skuadrat mbeten të pamposhtura pas tri javëve të para të kampionatit dhe numërojnë nga 7 pikë.
Pjesa e parë nuk prodhoi gola, megjithëse Juventusi pati mundësinë më të mirë në minutën e 38-të. Francisco Conceicao u shfaq rrezikshëm në zonë, por përballë tij u përgjigj në mënyrë të shkëlqyer Mike Maignan.
Portugezi ishte sërish pranë golit në minutën e 55-të. Goditja e tij kësaj here përfundoi në shtyllën e majtë, duke i mohuar avantazhin Juventusit.
Milani goditi në minutën e 69-të. Alphadjo Cisse, i aktivizuar pak çaste më parë, përfitoi nga një asist i Samuel Chukëuezes. 19-vjeçari shmangu Manuel Locatellin dhe me qetësi dërgoi topin në rrjetë, duke shënuar golin e tij të dytë në Serie A me fanellën kuqezi.
Juventusi reagoi në fund. Në minutat shtesë, Federico Gatti realizoi me kokë pas një krosimi të saktë nga Teun Koopmeiners, duke vendosur rezultatin përfundimtar në 1-1. Në fund, pikët u ndanë dhe të dyja skuadrat mbeten në kuotën e 7 pikëve.