Gazeta e njohura spanjolle: Reali nuk ka plan për rikthimin e Ronaldos

Real Madrid nuk ka asnjë plan për një rikthim të Cristiano Ronaldos. Lajmin e raporton faqja katalanase “Mundo Deportivo”. Raportet mes klubit madrilen dhe portugezit janë përmirësuar ndjeshëm pas lamtumirës në vitin 2018, por nuk shkojnë më shumë se një përzemërsi.

Los Blancos duket se nuk janë të përqendruar në një mundësi të mundshme rikthimi, por janë të përqendruar në afrimin e futbollistëve të rinj që po spikasin në Europë.

Kylian Mbappe është padyshim në krye të listës, ndërkohë që së fundi edhe Erling Haaland ka fituar ndjeshëm pikë. Ronaldo, i cili po përflitet për një largim të mundshëm, ka një kontratë me Juventusin deri në vitin 2022. /R.Lika-Koha Jone/