Gega: Të pësosh dy gola në atë mënyrë është fatale, ekipi nuk luftoi!

Trajneri i Kukësit, Skënder Gega është shfaqur shumë i mërzitur pas humbjes ndaj Tiranës. Sipas strategut të verilindorëve të pësosh dy gola nga i njëjti pozicion nuk mund të falet, ndërkohë që sipas tij problemi qëndroi te mosfunksionimi i grupit.

“Kishim punuar në të gjitha aspektet. Por të ndëshkohesh 2 herë nga goditja e këndit është fatale. Kemi punuar, kemi qenë të kënaqur, por sot nuk treguam vlerat tona. 2 golat patën efektin e vetë. Është e vështirë të reagosh. Nuk pati një freski. Kur humb ndeshjen përgjegjësia e parë është e trajnerit. Grupi nuk funksionoi ashtu siç duhej. Ishte ndeshje e parë. Do përpiqemi të korrigjohemi. Nuk e mendoja se do të humbnim në këtë mënyrë.

Një pjesë e madhe e futbollistëve nuk dhanë atë që pritej. Shpresoj të ketë qenë vetëm ndeshja e parë. Do e shikojmë me qetësi situatën, se kush ka çaluar. Grupi është ai që merr meritat, por merre dhe përgjegjësitë. Kjo humbje nuk është se vendos kampionatin.

Po nuk vure shpirtin dhe po nuk luftove si grup, është e vështirë t’ia dalësh. U bëmë shumë akademik, çdo lojtar donte topin në këmbë. Jam i zhgënjyer, patjetër që do marrim përgjegjësitë dhe do të shikojmë me optimizëm.

Ndaj Ëolfsburg-ut luajtëm me disiplinë, unë këtë dua. Gjithsesi ishte ndeshje e parë dhe duhet kjo humbje për të nxjerrë mësime. I kemi ndarë detyrat me emra. Unë mendoja dhe besoja që mbas gabimit të parë njerëzit marrin përsipër. Nuk bëhen 2 gabime radhazi. I patëm disa raste, por nuk  të kënaqte mënyra sesi luajtëm. Shpresoj që të ketë qenë vetëm kjo ndeshje kështu e t’i shikojmë gjërat me optimizëm”, u shpreh Gega.