Genoa godet në merkato, transferon ish-mesfushorin e Romës

Kevin Strootman rikthehet në Serie A. Mesfushori holandez i cili u largua me shumë bujë nga Roma për te Olympique Marseille para disa sezonesh, ka humbur vendin në formacion te skuadra e Andre Villas-Boas dhe për të patur më shumë hapësira drejtuesit e OM kanë vendosur ta huazojnë.

Sipas Sky Sport Italia, Marseille ka arritur akordin me Genoan për huazimin e 30-vjeçarit. Të hënën Strootman do të udhëtojë drejt Italisë për të kaluar vizitat mjekësore me Genoan dhe për t’u vendosur në dispozicion të trajnerit Davide Ballardini.

Genoa është në pozita të vështira në renditje dhe ka nevojë për rezultate pozitive për të siguruar mbijetesën në këtë sezon kështu që eksperienca e mesfushorit holandez mund ta ndihmojë.