Gjici: Pagat e lojtarëve varen nga Covid-19, Olsi Rama e ka derën e hapur te Kukësi

=Qeveria konfirmoi se nuk do të ketë ndihma për lojtarët dhe trajnerët dhe kjo është tema më e diskutuar kohët e fundit. Lidhur deklaratat e Ramës apo edhe çështjen e pagave ka folur edhe presidenti i Kukësit, Safet Gjici, i cili në një lidhje direkt në  “Skype” për “E diell”.

“Kushte shumë të vështira. Masa shtrënguese për të luftuar Koronavirusin.  Edhe futbolli shqiptar duhet të ndihmohet, si çdo fushë e jetës, edhe futbolli është prekur nga Koronavirusi. Klubet shqiptare me sa di unë, kanë bërë kërkesat e veta, për t’u mbështetur. Qeveria shqiptare ka vështirësi në fonde, kuptohet që të gjithë presin nga qeveria. Mbi të gjitha është jeta e njerëzve. Kur ta fitojmë këtë luftën do t’i vijë edhe koha futbollit. Unë mendoj se futbolli duhet ndihmuar. Kryeministri është tifoz futbolli, është tifoz edhe i Juves edhe i Partizanit.

Pagesat e lojtarëve? Nuk i kemi shpërndarë akoma pasi kjo varet nga Covid-19. Presim gjithashtu çfarë ndihmë do të na japi FSHF-ja, qeveria apo edhe UEFA. Ato 2.5 miliardë euro ku do shkojnë. Të gjitha klubet nuk mund t’i përballojnë këto shpenzime sepse është një dëm i madh që u është bërë klubeve.  Liga po vepron sipas procedurave të vetave. Të gjitha klubet kanë bërë kërkesë për ndihmë. Ne e dimë gjendjen dhe fondet. Liga tashmë ka marrë shumë kopetenca dhe besoj se do na bëjë ndonjë gjë më shumë sesa sot.

Olsi Rama te Kukësi? Olsi e ka derën e hapur sepse ia ka marrë dorën këtyre punëve tani. Oferta që i kam bërë është ende në fuqi”, u shpreh Safet Gjici.