Gjimshiti luan si titullar në Arabi, merr dhe shiritin e kapitenit

Sporti E Shtunë, 22 Gusht 2026 14:55

Berat Gjimshiti e ka nisur me fitore aventurën e tij të re në futbollin arab. Mbrojtësi dhe kapiteni i Kombëtares shqiptare ishte titullar në fitoren 1-0 të Al Diriyah ndaj Al Hazem, në sfidën e kampionatit saudit të zhvilluar më 21 gusht. Ai madje mbajti dhe shitin e kapitenit.

Qendërmbrojtësi kuqezi luajti gjatë gjithë ndeshjes, duke kontribuar në mbajtjen e portës së paprekur. Goli i vetëm i takimit u shënua nga Abdulelah Al Malki, duke i dhënë Al Diriyah tri pikët e para.

Për Gjimshitin kjo ishte një tjetër paraqitje me fanellën e klubit saudit, pas sfidës së mëparshme ndaj Al Nassr. Mbrojtësi shqiptar, i cili kaloi rreth një dekadë te Atalanta në Serie A, tashmë ka nisur një kapitull të ri në karrierën e tij.

Pas ndeshjes, Gjimshiti reagoi edhe në rrjetet sociale, duke shprehur kënaqësinë për rezultatin dhe paraqitjen e skuadrës.

“Paraqitje e mirë nga skuadra, 3 pikët e para”, shkroi kapiteni i Shqipërisë, duke shoqëruar postimin me disa fotografi nga ndeshja.

Fitorja ndaj Al Hazem i jep Al Diriyah një nisje pozitive në kampionat, ndërsa Gjimshiti synon të fitojë shpejt një rol të rëndësishëm në mbrojtjen e skuadrës së tij të re.