Godin bën gati “valixhet” nga Inter, duel anglez për shërbimet e tij

Diego Godin është duke menduar për një aventurë te re, pasi nuk ka mundur të përshtatet me lojën e Interit. Qendërmbrojtësi uruguaian nuk e bindi dot kurrë plotësisht Antonio Conten, që shpesh herë ka preferuar në formacion të riun Bastoni.

“The Mirror” raporton se për shërbimet e tij në verë do të ketë një duel mes Tottenham dhe Manchester Unted. Mourinho po kërkon përforcime për prapavijën e mezi pret të ketë një si Godin, të cilin e kërkoi pa sukses në kohët kur drejtonte Manchester United.

Me Jans Vertonghen në dalje me parametër zero, Special One kërkon eksperiencë për të rritur në nivel Davinson Sanchez dhe 20-vjecarin e Japhet Tanganga. Ish-qendërmbrojtësi i Atletico i pëlqen edhe Manchester United. Pasi firmosi me Maguire në sezonin e kaluar, Solskjaer kërkon t’i shtojë prapavijës një futbollist me eksperiencë.