Guardiola: Nëse dikush kërkon Haaland, duhet të telefonojë City-in

Trajneri i City-it, Pep Guardiola foli për situatën e Haaland para ndeshjes së Manchester City kundër Brentford, në të cilën “qytetarët” mund të pozicionohen vetëm dy pikë pas kreut të Premier League.

“Ne duam që Haaland të qëndrojë në këtë klub për një kohë të gjatë, jemi të dashuruar me të. Ofertat për të? Unë nuk jam i përfshirë në këtë. Gjithmonë ka të bëjë me dëshirën e lojtarit dhe klubit. Qëndron apo do të largohet?

Ai erdhi sezonin e kaluar dhe ndikimi i tij ishte i pabesueshëm, edhe në fillim të këtij sezoni. Më pas u dëmtua dhe mungoi për dy muaj. Çfarë do të ndodhë në të ardhmen, sinqerisht nuk e di, por jemi të lumtur që e kemi atë.

Shpresoj që të jetë i lumtur me ne. Të tjerat, nuk e di … Ne nuk mund t’i kontrollojmë ato që njerëzit thonë, kështu që është normale.

Kjo do të ndodhë kur Erling të vendosë të rinovojë kontratën apo jo. Kur klubi vendos të rinovojë kontratën ose jo, ose kur kemi ose jo oferta të mundshme për të. Nëse dikush do Erling, është e lehtë: telefononi Manchester City dhe pyesni”, deklaroi Guardiola.